b[Jos 24:32; Jo 4:5]
Genesis 33
Jekop te Iso dali deliba sisinai
1Te Jekop aga hani dali tama pobadi, tama agai digibulu gana tonoyu, tama Iso te aga hani bidi dabe te 400 dali asobo suali. Tama aga hani tigidali wai dabe bugulama, tama te Leaba, me Reselba, me te sę ebo we sibolo te dobaba pali. 2Agai te sę ebo we si augwa wai dabe dali augwali te podolali. Tama Lea aga ogomani dali augwali wali pomainu ilali. Tama agai te Resel te Josep dali nosali mu ilama, pali. 3Jekop digi aga hani asobadi, te aga polasa pali. Tama agai kidu tǫba susugunu pidubadi geani, te nogo a naga olama, me badu si sogo te usu nigi peyu, te aga ama pageba pedelali.4Tiali goli, Iso udada aselama, tama aga ama pagea sagaselama, tama aga dali nono nai. Tama aga si talua si gela wali. 5Tama Isogo tonono bilama, suali, te we dabe me, wai puluba dali sulama, tama agai Jekopbolo hanalu wali, “Te e mena we wai nage dali bidibawe?”
Jekopgo po wei ponoyu, te po wai, “Godigo wiegi yai kolesaga nago sę bidi enabolo elama, tama agai te wai dabe enabolo mawai dao.”
6Tialima, te sę ebo we si augwa wai dabe dali aselama, tama augwali te Iso gedude te tǫba kidu sugunagasali. 7Tama Lea me aga wai dabe dali, augwaligo me te tǫba kidu sugunagasali. Tama simaniyu mu, Josep dali Resel si aselama, tama te tǫba kidu sugunagasai.
8Tama Isogo te po wai, “Eno te gasa hani polasa sobadi sisinama suai. Te magi basowe?” Tama Jekopgo te po wali, “O genuai bidio, te nago homu wiegi yai ena dali emainu yai dao!”
9Tiali goli, Isogo te po wai, “Eno ama, ena doado bage usu yai elalubo. Nago naga nai dabe ma sao,” wai.
10Tama Jekopgo te po wai, “Woo, te nago ena dali dwagi yai homu eba wida, teda nago eno te mabo nai sao,” wali. “Eno nage gesabidi sulama, tama eno te God gesabidi subo tiwai yali, magi baso meni, te nago ena dali dwagi yai homu yai. 11Megi eno homugo nago te eno nage mabo te nai nago sao, Godigo dwagi yai kolesaga ena dali elama, tama agai tigidali nai ena menama, tama ena usu mu yai,” wali. Agai Isogo te nai somainogo bomo mu ebaso, tama Isogo te nai sai.
12Tama nosali Isogo te po wai, “Tialima, megi da, da sisi elama, paibao. Tama ena te polasa pobadi, te dage nosali asiagameo.”
13Tiali goli, Jekopgo agabolo te po wai, “Genuai bidi, nago koneani, te wai dabe augwali te bomo elama me pabeo. Tama eno homu hauwa te sipsip me, te bulmakau hani dali, te augwali tamadi holobo wai dabede te homu yai. Te augwali deli sogo bubugade bomonama pobaso da, tiyu te tigidali kibu sibi dabe te isila pidalio. 14Genuai bidi, nage te ena asobadi te polasa polo pagameo, te ena dua dua nosali asiduaibao, te eno kibu sibi dali te eno wai dabe asaibao. Tama nosali nage eno te Seirde da si te deliba gesabi yaibao,” wali.
15Tama Isogo te po wai, “Te eno hani bage meba nagebolo mawaibao,” wali. “Augwali te nage dali bidiyu, tama dage odasa asomainu yaibao.”
Tiali goli, Jekopgo te po wei ponai, “Genuai bidi, eno homugo te nago wiegi yai homu ena dali emainao. Tiali goli, nago bidi dabe ede bidao homu, te tagalao, te eno sę ebo augwali te usu yaibao.”
16Tama te po obaso, te sogo bubugade digi Iso te Seirba ma painu soai. 17Tiali goli, Jekop te Sukot teba pai. Tama aga be sę ebadi, te kibu sibi dabe osogo piabo dwasianu be me sę yani. Tama tibaso, augwaligo te bulu nogi Sukot poai dao. ▼
18Jekop te Mesopotemiadu ma begasa asali, tama aga Sekemgo hanuba, te Kenan tǫ pedaiba bugagia nosali sabolai. Tama aga ugwa be dabe te hanu pąde sę yani. 19Tama agai te tǫ te Hamor hani bage dali mu abelali, te Hamor Sekem aga aya da. Te tǫ abelali mone te 100 silva masigi tamago abelai. b 20Tama agai te alta me deli tede dodolali. Tama agai te alta nogi te tiwai poali, “Te Israelgo God da, te bomo yai God mu dao,” te nogi poali.
Copyright information for
MPS